Fýtzaldan 2024 jyly О́zbekstanda shymyldyǵy túriletin álem chempıonatynyń irikteý týrnırindegi sońǵy kezdesýin jerlesterimiz Rýmynııaǵa qarsy ótkizdi.
Býharestte ótken matchtyń el quramasy úshin esh mańyzy joq edi. Sebebi bizdiń jigitter alǵa qoıǵan josparyn kúni buryn oryndap, joldamaǵa ıelik etti. Soǵan qaramastan komandamyzdyń bas bapkeri Kaka bul kezdesýge myqty oıynshylarynyń barlyǵyn qosty. Nátıjesinde, bul básekede de basymdyq tanyttyq. 8-mınýtta Shyńǵys Esenamanov esep ashsa, 26-mınýtta Birjan Orazov ekinshi goldy soqty. Esep – 2:0.
Sóıtip, alty básekeniń barlyǵynda jeńiske jetken Qazaqstannyń fýtzalshylary 18 upaıdy qorjynǵa salyp, jarys kestesinde jeke-dara kósh bastady. Otandastarymyz osy jetistigi arqyly kelesi jyly ótetin álem chempıonatynda kúsh synasý múmkindigine ıe boldy.