Nurlan qajy Baıjigituly, kópshilikke Nurlan ımam dep tanylǵan azamat Astanadaǵy Yryskeldi qajy meshitiniń aldyna ózge ǵıbadat oryndarynda joq qurylǵy ornatqyzdy. Ol bul jańalyq týraly Instagram paraqshasynda bólisti, dep jazady Egemen.kz.
Elimizdegi alǵashqy eko meshit atanǵan «Yryskeldi qajy» meshiti taǵy bir jabdyqpen tolyqty.
Nurlan ımamnyń bastamasymen meshittiń aldyna elektrli avtokólikti qýattaıtyn qondyrǵy ornatyldy.
«Mynaý Astana qalasyndaǵy Yryskeldi qajy meshitiniń janyndaǵy avtoturaq. Osy meshitte elimizde tuńǵysh ret elektrli avtokólikti qýattaıtyn qondyrǵy qoıyldy. Endi namaz oqyǵan kezde Zeekr, taǵy basqa kólikterińizdi qýattasańyzdar bolady. О́zderińiz ımamnyń ýaǵyzymen qýattanyp, kólikterińizdi osy qondyrǵydan qýattap qaıtasyzdar», dedi Nurlan Baıjigituly.
Sondaı-aq jelidegi jazbasyna: «Álemdegi ozyq úlgidegi zamanaýı meshitke osy aldyńǵy qatarly bastamam jarasyp-aq tur, ıá», dep qosty ımam.