«Memlekette úlken jáne kishi prezıdent degen bolmaýy kerek» - Prezıdent

«Konstıtýsııaǵa sáıkes, Prezıdent elimizdiń ishki jáne syrtqy saıasatynyń negizgi baǵyttaryn aıqyndaıdy, memleketimizdiń joǵary laýazymdy tulǵalaryn, Qarýly Kúsh­terimizdiń joǵary basshylyǵyn taǵaıyn­daıdy jáne olardy qyzmeti­nen bosatady. Sondaı-aq Memleket bas­shysy elimizdiń Joǵarǵy Bas Qol­bas­shysy sanalady.

Alaıda bázbireýler qosarlanǵan bılik júıesin ornatýǵa talpynǵany, tipti, mundaı áreketterdi ádeıi ári muqııat uıymdastyrǵany ras. «Bılik tranzıti» kezindegi ahýaldy saıasattaǵy aılakerler óz múddesine paıdalanyp, qosamjarlanǵan bılik ortalyǵyn qurýǵa tyrysty. Elimizde Prezıdent ári Joǵarǵy Bas qolbasshy laýazymy bir bólek, burynǵy Prezıdent ıelengen Qaýipsizdik Keńesiniń Tóraǵasy laýazymy bir bólek boldy. Osy eki laýazymnyń ıeleri bir mezette qatar qyzmet atqardy. Túptiń túbinde bul jaǵdaıdyń bılikte qatań teketires týǵyzbaı qoımasy anyq edi», dedi Prezıdent. 

Prezıdenttiń aıtýynsha, dál osy jaǵdaı Qańtar daǵdarysyna ákep soqtyrǵan alǵysharttyń biri boldy. 

«О́ıtkeni ymyralasqan qaskóıler ózderi oılap tapqan qosarlanǵan bılik, ıaǵnı «tandem» ıdeıasyn dáriptep, ony óz múddesine paıdalanǵysy keldi. Keıbir laýazymdy tulǵalardyń, onyń ishinde burynǵy Ádilet mınıstriniń mártebe jaǵynan Elbasy Prezıdentten joǵary turatynyn aıtqany esterińizde shyǵar. Keıbir sheneýnikter birese ana, birese myna kabınetti jaǵalap júrdi. Olar oınaqtap júrip, aqyry ot basty. Men keıinirek Nursultan Ábishuly Nazar­baevqa onyń jaqyn serikteriniń saıası qıturqylyǵy elimizdiń tas-tal­qa­nyn shyǵara jazdaǵanyn ashyq aıttym.

Qalaı desek te, memlekette úlken jáne kishi prezıdent degen bolmaýy kerek dep sanaımyn. «Kettiń be – qaıy­ryl­ma!» Bolashaqta el tizginin us­taıtyn azamattar osy jaǵdaıdan sabaq alyp, mundaı nárseden qashyq bolýǵa jáne tek qana memlekettiń múddesi men qoǵamnyń bereke-birligin oılaýǵa tıis», dedi el Prezıdenti. 

Memleket basshysynyń aıtýynsha, ókinishke qaraı, ishki saıası daǵ­darysqa baılanysty týyndaǵan syn saǵatta negizgi quqyq qorǵaý organdary basshylarynyń betperdesi sypyrylyp, olardyń kásibı biliksizdigi, qala berdi satqyndyǵy áshkere boldy.

«Ata zańǵa sáıkes jumys isteıtin ornyqty ári tıimdi memlekettik ınstıtýttar júıesin qurý aýadaı qajet ekeni Qańtar oqıǵasynan aıqyn kórindi. Biz bir el bolyp, bul daǵdarysty eń­­ser­dik, qıyndyqqa qasqaıa qarsy turyp, odan tipti shyńdalyp shyq­tyq. Azamattarymyzdyń bekem birli­giniń jáne barlyq deńgeıdegi bılik ókilderiniń batyl is-áreketi­niń ar­qasynda alapat apattyń betin qaı­taryp, eldegi ahýaldy turaqtandyra aldyq. Keıin keıbir qaskóıler tergeý kezinde halyq jaýapty sátte judy­ryqtaı jumyla biledi, bılik qandaı qaterge de qaımyqpaı tótep bere alady dep esh kútpegenin moıyndady», dedi Q.Toqaev.