Memleket basshysy Qasym-Jomart Toqaev 2024 jyldyń naýryz aıynda bolatyn Reseıdegi prezıdent saılaýy jahandaǵy jáne aımaqtaǵy ahýalǵa qalaı áser etetinin «Egemen Qazaqstan» gazetine bergen suhbatynda aıtty, dep habarlaıdy Egemen.kz.
«Bıyl Reseıde ǵana emes, AQSh-ta, Ulybrıtanııada, Úndistanda, Ázerbaıjanda jáne basqa da memleketterde saılaý ótedi. Sondaı-aq Eýroparlament depýtattary saılanady. Árıne, biz osy saılaý naýqandaryn jiti baqylap otyramyz. Reseıde ótetin prezıdent saılaýynyń biz úshin máni zor ekeni sózsiz. О́ıtkeni Astana men Máskeý arasynda óte joǵary deńgeıde qarym-qatynas ornaǵan. Reseı Qazaqstannyń negizgi seriktesi ári odaqtasy ekeni barshaǵa aıan. О́tken otyz jylda memleketaralyq baılanystardyń irgesi bekı tústi. Eki el arasynda 300-den astam shart pen kelisim jasalǵan. Barlyq saladaǵy ekijaqty yntymaqtastyq tetikteri jumys istep tur. Joǵary deńgeıdegi saıası dıalog qarqyndy damyp keledi. Biz kópjaqty qurylymdar aıasynda, sondaı-aq óńirlik turaqtylyq pen halyqaralyq qaýipsizdikti qamtamasyz etý barysynda yqpaldasa áreket etemiz», dedi Prezıdent.
Eske sala keteıik, byltyr Vladımır Pýtın Qazaqstanǵa resmı saparmen keldi. Bul ekijaqty qatynasty jandandyra túsken negizgi oqıǵalardyń biri boldy.
«Biz kelissóz barysynda memleketterimizdiń strategııalyq seriktestigi men qarym-qatynasy shynaıy dostyq sıpatynan aınymaıtynyn taǵy da naqtyladyq. Reseı – Qazaqstannyń negizgi saýda-ekonomıkalyq seriktesi. Eki eldiń taýar aınalymy 2023 jyldyń bastapqy 10 aıynda 21,4 mıllıard dollar boldy. О́ıtetin jóni de bar, bizdiń shekaramyz qurlyqtaǵy eń uzyn shekara sanalady. Ǵylym-bilim jáne mádenı-gýmanıtarlyq saladaǵy qarym-qatynasty nyǵaıtýǵa árdaıym aıryqsha mán beriledi. Bıyl orystyń uly aqyny Aleksandr Pýshkınniń týǵanyna 225 jyl tolady. Bul – Reseı ǵana emes, Qazaqstan úshin de mańyzdy oqıǵa. О́ıtkeni Pýshkın – hákim Abaı sııaqty, qos halyqtyń dostyǵy men mádenı baılanystarynyń basty sımvolynyń biri», dep atap ótti el Prezıdenti.
Memleket basshysy Reseı Federasııasynyń álemdik saıasatta asa mańyzdy ról atqaratynyn jáne BUU Qaýipsizdik Keńesiniń turaqty múshesi ekenin atap ótti.
«Reseı Prezıdenti Vladımır Pýtın – sózimen de, isimen de jahandyq ahýalǵa yqpal etetin tulǵa. Reseıdiń ustanymymen búkil álem sanasatyny jasyryn emes. Bul memlekettiń qatysýynsyz dúnıe júzinde birde-bir problema sheshilmeıdi. Ol aıdan anyq. Sondyqtan Reseı sekildi alpaýyt eldegi prezıdent saılaýynyń halyqaralyq mán-mańyzy qashanda joǵary jáne oǵan álemniń kóptegen eli nazar aýdarady», dedi Q.Toqaev.