Jambyl oblysy, Qordaı aýdany, Kenen Ázirbaev aýylynda qazaqtan shyqqan tuńǵysh kınomehanık áıel, KSRO Kınemotografııasyń úzdigi, «Qurmet belgisi» jáne «Oktbıar revolıýsııasy» ordenderiniń ıegeri, Qazaqstanǵa eńbegi sińgen Mádenıet qyzmetkeri, Jambyl oblysynyń qurmetti kınomehanıgi Rápııa Halyqqyzynyń atynda murajaı kabınet ashyldy, dep habarlaıdy Egemen.kz.
Murajaıdyń ishine mádenıet qaıratkeriniń kózi tirisinde qolyna ustaǵan zattary men tarıhı qundy jádigerler qoıylǵan. Rápııa Halyqqyzynyń ómirlik jary Qazaq SSSR Oqý-Aǵartý isiniń úzdigi, ekinshi dúnıejúzilik soǵys ardageri, 40 jyl ustazdyq etip bala oqytqan Ordabaı Sádibekov týraly da qundy jádiger, taǵylymdy maǵulmat tamashalaýshylardyń nazaryna usynyldy. Murajaı kabınettiń ashylýyna oraı uıymdastyrylǵan saltanatty shara barysynda Oraz Ábishev túsirgen «Rápııa» derekti fılmi kópshilikke kórsetildi.
Qordaı aýdany ákiminiń orynbasary Damıra Maratqyzy Kenen aýylynda ashylǵan murajaı kabınet aýdan úshin mańyzy zor rýhanı qundy oryn bolǵanyn, óskeleń urpaqtyń tarıh taǵylymymen sýsyndaýyna septigi tıetinin aıtty.
PQ «Jeltoqsan Aqıqaty» respýblıkalyq qoǵamdyq birlestiginiń tóraǵasy Bolat Qurymbaev, QR Ǵylym akademııasynyń qaýipsizdik qyzmetiniń basshysy, polkovnık Saıfýtdın Shamsýtdınov, Qazaqstan Kitap palatasynyń redaktory, belgili jýrnalıst Nurymjan Maýyt jáne ardager fotogrof Qýantqan Saparov Rápııa Halyqqyzynyń ónegeli ómiri jaıynda estelikterin bólisti.