Parıj jazǵy Olımpıadasynyń bastalýyna da alty aıdan asa ýaqyt qaldy. 26 shildede jalaýy jelbirep, 11 tamyzda túńligi túsiriletin tórtjyldyq alamanǵa álemniń 200-den asa elinen 10 myńnan astam sportshy qatysady.
32 sport túrinen 329 medal jıyntyǵy úshin dodaǵa qosylatyn sańlaqtardyń arasynda bizdiń de sportshylar bar. Ázirge enshimizge sporttyń 8 túri boıynsha 17 lısenzııa buıyrdy.
Parıj Olımpıadasyna deıin 90-ǵa tarta lısenzııa taratylatyn týrnır bar. 17 joldama sadaq atý, veloshosse, oq atý, qazirgi bessaıys, grek rım jáne erkin kúres, boks, sporttyq gımnastıkadan buıyrdy.