Senat depýtattary Ernur Áıtkenov pen Altynbek Nuhuly Pavlodar oblysy máslıhatynyń depýtattarymen kezdesti.
Senatorlar zań shyǵarýshy organ jumysynyń qorytyndylary jáne 2023 jyly qabyldanǵan zańdar týraly máslıhat depýtattaryn habardar etti. Kezdesýge qatysýshylar elimiz Prezıdentiniń jaqynda «Egemen Qazaqstan» gazetinde jarııalanǵan suhbatynyń negizgi taqyryptaryn talqylady jáne óńirdi damytýdyń ózekti máseleleri boıynsha pikir almasty.
Oblystyq máslıhat depýtattary óz kezeginde aýyl sharýashylyǵy, jaıylymdyq jerler jáne turǵyn úı-kommýnaldyq sharýashylyq máselelerine qatysty zańnamalyq aktilerge ózgerister engizý jóninde óz usynystaryn aıtty.
Otyrysqa oblystyq, qalalyq jáne aýdandyq máslıhattardyń tóraǵalary, oblystyq qoǵamdyq keńes tóraǵasy, sondaı-aq sarapshylar qaýymdastyǵynyń ókilderi qatysty.