Memlekettik keńesshi Erlan Qarın ishki saıasat salasy boıynsha memlekettik organdardyń ózara is-qımyl máseleleri jóninde keńes ótkizdi.
Jıynǵa Prezıdent Ákimshiliginiń jaýapty qyzmetkerleri jáne qurylymdyq bólimsheleriniń jetekshileri, Mádenıet jáne aqparat, Ǵylym jáne joǵary bilim, Oqý-aǵartý, Týrızm jáne sport mınıstrlikteriniń, Qazaqstan halqy Assambleıasynyń, Ortalyq kommýnıkasııalar qyzmetiniń jáne Qazaqstannyń strategııalyq zertteýler ınstıtýtynyń basshylary qatysty.
Keńes barysynda E.Qarın Memleket basshysynyń «Egemen Qazaqstan» gazetinde jaryq kórgen suhbatynda aıtylǵan basym baǵyttarǵa sáıkes ishki saıasat salasynda qyzmet etetin qurylymdardyń negizgi mindetterin aıqyndady.
Memlekettik keńesshi Ulttyq quryltaıdyń kezekti otyrysyn uıymdastyrý jáne ony mazmun turǵysynan tolyqtyrý, Naýryz meıramyn jańa sıpatta merekeleý, Qazaqstan tarıhynyń jańa akademııalyq jınaǵyn ázirleý jumystaryn aıaqtaý, Dúnıejúzilik kóshpeliler oınyn ótkizý, basqa da aıtýly is-sharalardyń jaı-japsaryn pysyqtaý máselelerine bólek toqtaldy.
Jıyn sońynda E.Qarın quzyrly memlekettik organdarǵa ishki saıasat baǵytyndaǵy jumystardy jetildirýge, qoǵamdyq kelisimdi nyǵaıtýǵa qatysty naqty tapsyrmalar berdi.