Qostanaıda Ulttyq ulan sarbazdary qandy qańtar oqıǵasynda qaza tapqan qos jaýynger Madııar Qaısarov pen Aıbat Amanovty eske aldy.
Eske alý jıynynda sóılegen «Ortalyq» óńirlik qolbasshylyǵy 6697 áskerı bóliminiń komandıri, polkovnık Talǵat Ábdirov el tynyshtyǵy úshin janyn qıǵan qos sarbazdyń erligi eshqashan umytylmaıtynyn aıtty.
«Qańtar oqıǵasynda qyrshyn ketken Ulttyq ulannyń qatardaǵy jaýyngerleri Madııar Qaısarov pen Aıbat Amanovty esimderi el esinde máńgi qaldy. Olar Prezıdent Jarlyǵymen III dárejeli «Aıbyn» ordenimen nagradtaldy. Qysyltaıań sátte qaısarlyq tanytyp, Otan tynyshtyǵy úshin ómirin qıǵan batyrlardyń erligi máńgi jadymyzda saqtalady», dedi T.Ábdirov.
Azaly jıynnyń sońynda bir sáttik únsizdik jarııalanyp, qos sarbazǵa arnalǵan qurmet buryshyna gúl shoqtary qoıyldy.