Transfermarkt fýtbol portaly elimizdegi eń qymbat aıaq dop sheberliginiń aty-jónin jarııalady, dep jazady Egemen.kz.
Tizimniń kósh basynda Qazaqstan ulttyq quramasy men shymkenttik «Ordabasy» klýbynyń kapıtany, jartylaı qorǵaýshy Ashat Taǵybergen tur. Onyń baǵasy - 900 myń eýro. Ekinshi orynda 800 myń eýroǵa baǵalanǵan «Aqtóbe» fýtbol klýbynyń oıynshysy Maksım Samorodov.
Ulttyq qurama shabýylshysy, «Astana» sapyndaǵy Abat Aıymbetov 800 myń, «Ordabasy» klýbynyń fýtbolshysy Temirlan Erlanov 700 myń eýroǵa baǵalanǵan.
Al baǵasy 600 myń eýro dep kórsetilgen fýtbolshylar tizimine Igor Shaskıı («Aqtóbe»), Artýr Shýshenachev («Qaırat»), Álibek Qasym («Aqtóbe»), Bekhan Shaızada men Sergeı Malyı («Ordabasy») enedi.