Jańa jyl jańa oblysqa jaqsy jańalyǵyn ala keldi. 12 qańtardan bastap Jezqazǵan – О́skemen aralyǵynda áýe qatynasy jolǵa qoıylady.
Avıareısterdi aptanyń sársenbi, juma kúnderi qazaq air áýekompanııasyna tıesili jańa generasııalanǵan «de-Havilland Dash 8-Q400» kanadalyq áýe kemesi atqarady. Eki araǵa ketetin ushý ýaqyty eki saǵat mólsherinde. Baǵasy da qaltaǵa aýyrlyq túsirmeıdi. Eresekter úshin 15 myń teńge bolsa, 14 jasqa deıingi balalar 50 paıyz jeńildikti paıdalana alady.
Qoljúgin tasymaldaý normasy – 5 kg, joljúgi – 20 kg. Ushý datasy men bıletterdi qaıtarý kezinde aqsha ustalmaıdy.
– Oblys ashylǵannan beri elimizdiń basqa óńirlerimen áýe qatynasy da jıileı tústi. Burynǵy Astana, Almaty, Qaraǵandy baǵyttaryna ótken jyly Shymkent baǵyty qosylsa, endi mine, ulytaýlyqtar Shyǵys Qazaqstanǵa, olardan bizge ushaqpen qatynaý múmkindigi týyndap otyr. Eger buryn bul eki aralyqta tikeleı kólik qatynasy bolmaǵanyn eskersek, jańadan ashylǵan áýe qatynasynyń orny erekshe bolǵaly tur, – deıdi oblys ákiminiń baspasóz hatshysy Erkenaz Shoqan.
Al biz óz tarapymyzdan Ulytaýdan ushatyn ushaqtar sany jıileı tússe eken degen tilek qostyq.
Ulytaý oblysy