Indonezııanyń Depok qalasynda FIRST Tech Challenge robototehnıka boıynsha ashyq oıyndar ótti. Chempıonatqa Qazaqstannan «Antares», «124», «Zaman» jáne «Shanyraq» komandalary qatysty, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
9-11 synyp oqýshylarynan qurylǵan bul komandalardyń quramynda Almaty qalasynyń Abaı atyndaǵy RMMI men №124 orta mektebiniń, sondaı-aq Semeı qalasynyń Sh.Qudaıberdiuly atyndaǵy kópsalaly mektebiniń bilim alýshylary bar. Oqýshylar Ońtústik-Shyǵys Azııa elderinen kelgen 150 jas robototehnıka jasaýshylarmen birge birneshe kún boıy óz jumystarymen básekege tústi. Nátıjesinde bizdiń órender 7 júldemen oraldy.
Indonezııada ótken óre báıgesine joldamany Qazaqstannan barǵan oqýshylar osy jyldyń jeltoqsan aıynda Oqý-aǵartý mınıstrliginiń jáne Almaty qalasy ákimdiginiń qoldaýymen USTEM Foundation qoǵamdyq qory uıymdastyrǵan Almaty Tech Cup respýblıkalyq týrnırinde oljalady.