Kanvondodaǵy Jasóspirimder arasyndaǵy qysqy Olımpıada oıyndary qarsańynda shtab keńsesinde Týrızm jáne sport mınıstri Ermek Marjyqpaev pen Koreıa Respýblıkasynyń Qazaqstandaǵy Tótenshe jáne О́kiletti Elshisi Chjo Te-Ik kezdesti, dep habarlaıdy Egemen.kz mınıstrliktiń baspasóz qyzmetine silteme jasap.
«Koreıa Respýblıkasynyń Elshisi Qazaqstanmen týrızm jáne sport salasynda ózara yntymaqtastyqta jumys isteýge múddeli ekendigin jetkizdi. Kezdesý barysynda eki eldiń ókilderi Oıyndardy talqylap, osy jarystan, qazaqstandyq sportshylardan qandaı nátıje kútetinine qatysty oı bólisti. Jıyn sońynda Koreıa Respýblıkasynyń Elshisi Jasóspirimder Olımpıadasynyń boıtumaryn syılap, Qazaqstan sportshylaryna aldaǵy baıraqty básekede sáttilik tiledi», delingen aqparatta.
Elshimen kezdesýde mınıstr Kanvondo Olımpıadasynyń boıtumarynyń shtab keńsesine ornyǵýy sportshylarymyzdyń jeńisine demeý bolatynyna senim bildirdi.