Úleskerler úılerin ala almaı júr

Aldanǵan úleskerler arasynda keń de jaıly páterge tezirek qol jetkizý úshin jalǵyz baspana­syn, kóligin satyp, sodan beri páter jaldap júrgender de bar. Qo­lyndaǵy qarjysy jetpegen soń qurylys kompanııalarynyń jar­na­masyna senip, bankterden paıyz­dyq mólsherlemesi joǵary nesıe alyp qarjy qosqandar da bar.

О́ńirdegi áleýmettik jan­jalǵa ákele jatqan kúrdeli máseleni jergilikti bılik bıýdjet jáne ınvestorlar qarajatyn tartý arqyly sheshýdi josparlaýǵa kiristi. Eń aldymen, jergilikti atqarýshy bılik pen quqyq qorǵaý organdary ókilderinen quralǵan vedomstvoaralyq top qurylyp, josyqsyz qurylys kompanııalary isimen quqyq qorǵaý organdary aınalysa bas­tady. Qazirgi kezde jurttyń qarjysyn joq qylǵan bes serik­testik basshylarynyń ústinen qylmystyq is qozǵalsa, alty turǵyn úı qurylysyna baılanysty is sotqa joldandy.

«Ártúrli sebeppen qury­lysty keshiktirgen 11 josyqsyz kom­p­a­nııanyń ústinen quqyq qor­ǵaý organdary ákimshilik jáne qyl­mystyq is qozǵady. Bizge bel­gili bolǵany, alty turǵyn úı ke­she­nine salynǵan úleskerler qar­jysyn qury­lysqa emes, basqa maq­sattarǵa jumsaǵan. Josyqsyz mer­digerler arasynda bir adamǵa tıesili páterdi birneshe adamǵa qaıta satqan qurylys ıeleri de bar. Úleskerler qalaıda bas­pa­nalaryn alýǵa tıis. Osy maqsatta alty turǵyn úı kesheni qurylysyna ınvestor izdep otyrmyz», deıdi úleskerlik qurylystardy retteý úshin qurylǵan «Aqtóbe qurylys kompanııasy» JShS basshysy Naǵymjan Aldııarov.

«Úleskerlik qurylys boıynsha sotqa joldanǵan ákimshilik jáne qylmystyq isterdiń sheshimi shyqqan soń aıaqtalmaǵan, salyn­baǵan, jartylaı aıaqtalǵan turǵyn úı nysandaryna saraptama júrgizilip, sodan keıin qurylystardyń jobalyq-smetalyq qujattary jasalady. Jasyratyny joq, osy kúni daýly qurylystarǵa ınvestor tabý ońaı emes. Olar qosymsha paıda tappaıtyn bolsa, bul jaqqa attap bas­paıdy. Úleskerlik qurylysty aıaqtaıtyndardyń qyzyǵýshylyǵyn týǵyzý úshin qosymsha jer telimderin berýdi josparladyq. Taǵy bir joly – buryn bes qabatty etip josparlanǵan kóppáterli qury­lys­ty toǵyz qabatty etip qaıta joba­laımyz. Onyń qury­­lysy aıaqtalǵan soń bes qabatyndaǵy páterler úles­ker­lerge berilse, qalǵanyn kompanııa satylymǵa shyǵaryp, sh­y­ǵyn­daryn jaba alady», deıdi Aqtó­be qalasynyń ákimi Azamat Beket.

Úleskerlik qurylysty aıaq­taı­tyn «Aqtóbe qurylys kompanııasy» seriktestigi Astanadaǵy «Elorda qurylys kompanııa­sy» JShS táji­rı­besimen qurylǵan. Ázirshe Aqtóbedegi 540 úleskerdiń baspanasyn aıaqtaýǵa jergilikti bıýdjetten qansha qarjy bólingeni belgisiz.

Aqtóbe oblysy