Qazaqstan halyqaralyq sý aǵyndaryn paıdalaný týraly konvensııaǵa qosyldy. Búgin Májilistiń jalpy otyrysynda Halyqaralyq sý aǵyndaryn keme júrmeıtin paıdalaný túrleriniń quqyǵy týraly konvensııany ratıfıkasııalady, dep habarlaıdy Egemen.kz tómengi Palatanyń baspasóz qyzmetine silteme jasap.
«Qujat 1997 jylǵy 21 mamyrda Nıý-Iorkte jasalǵan. Konvensııaǵa sáıkes sý aǵyny memleketi óz aýmaǵynda halyqaralyq sý aǵynyn paıdalaný kezinde basqa memleketterge aıtarlyqtaı zııan keltirýdi bolǵyzbaý úshin barlyq tıisti sharany qabyldaıdy. Sý aǵyny memleketteri sý aǵyny, sýdyń sapasy jáne tıisti boljamdar týraly ońaı qoljetimdi derektermen jáne aqparattarmen turaqty negizde almasa alady», delingen aqparatta.
Konvensııa aıasynda sý aǵyny boıynsha memleketter ózara keńesip, halyqaralyq sý aǵynynyń jaı-kúıi úshin josparlanatyn sharalardyń yqtımal saldary týraly kelissózderdi de júzege asyrýǵa múmkindik týady.