Burynǵy oqý-aǵartý mınıstri, qazirgi májilis depýtaty Ashat Aımaǵambetov Túrkııadaǵy transvestıtter klýbyna barǵan muǵalimderge qatysty pikir bildirdi, dep habarlaıdy Egemen.kz KTK arnasyna silteme jasap.
Eki muǵalim aqysyz demalys alyp, transvestıtter klýbynda kóńil kótergen edi. Jelide taraǵan vıdeony kórgen ata-analar qaýymy ustazdardyń mektepten ketýin talap etken. Qyzylorda oblysy Qarmaqshy aýdanyna qarasty №250 mekteptiń aǵylshyn tili páni muǵalimderiniń bul «demalysy» mektep basshylyǵyna unamaı, jınalys ótkizgen. Osydan keıin eki pedagog ta óz erikterimen jumystan ketti.
Ashat Aımaǵambetov muǵalimder de óz quqyǵy bar qarapaıym azamattar ekenin, sondyqtan aldymen jaǵdaıdy túsingen jón ekenin alǵa tartty.
«Muǵalimder de – bárimiz sııaqty azamat. Olardyń quqyǵyn shekteýge bolmaıdy. Sondyqtan bul jerde biz muǵalimderge qoıylatyn talaptardy naqty ajyratýymyz kerek ekenin bilesizder. Árıne, joǵary talaptar óz aldyna. Biraq biz olar qarapaıym azamattar ekenin túsinýimiz kerek», dedi Aımaǵambetov.
Onyń aıtýynsha, bul jaǵdaıda isti naqty túsinip, olardyń qandaı kinási bar ekenin anyqtap alý kerek.