Shekteýlerdi alý talqylandy

Kún tártibindegi eń ózekti máseleler – ózara saýdadaǵy birqatar shekteý­di alyp tastaý jáne «Reseı-Belarýs» shekarasynda qazaqstandyq tasymaldaýshylardy ótkizý bolyp otyr. Taraptar reseılik shoshqa etiniń Reseı Federasııasynan Qazaqstan arqyly ótetin tranzıtiniń ashylýyna jáne 2024 jylǵy 15 qańtardan bastap Reseı Federasııasyna qazaqstandyq mal sharýashylyǵy ónimderin jetkizýge qoıyl­ǵan shekteýlerdiń alynýyn oń baǵalady. Qazir eki tarap ta veterı­narııa­daǵy kúrdeli máselelerdi sheshýge múm­kindik beretin aqparattyq júıeler­diń  ıntegrasııalaýyna bet buryp otyr.

Reseı tarapy Qazaqstanǵa Reseıdiń saýda jelilerine taýyq jumyrtqalaryn jet­kizýdi arttyrý týraly ótinish jasady. Serik Jumanǵarın aýyl sharýashylyǵy mınıstrligine atalǵan máseleni qysqa mer­zimde qaraýdy jáne qazaqstandyq ónim­di Reseı Federasııasynyń shekaralas aı­­maq­taryn­a jetkizýdi arttyrý múm­kin­di­gin iz­deýd­i tapsyrdy. Sondaı-aq óner­kásip­tik q­aýip­sizdik máselelerinde sheshim qa­­byl­daýda ıkemdilik qajet ekenin atap ótti.

Qazaqstanda otandyq qus fabrıka­larynyń jumyrtqamen qamtamasyz etý deńgeıi 2022 jyly halyq qajettiliginiń 102%-yn qurady. 2023 jyldyń 11 aıynda Qazaqstan Reseıge, Aýǵanstanǵa jáne Qyrǵyzstanǵa shamamen 186,6 mln dana taýyq jumyrtqasyn eksporttaǵanyn aıta ketken jón.

2023 jylǵy 26 qańtarǵa josparlan­ǵan EEK Keńesiniń otyrysy qarsa­ńyn­da taraptar «Reseı-Belarýs» shekara­syndaǵy qazaqstandyq júk kólikteriniń keshigý jaǵdaıyn retteý úshin Máskeýde keńeıtilgen quramda taǵy bir ekijaqty kezdesý ótkizýge kelisti.

Belgili bolǵandaı, 2023 jyldyń 12 jeltoqsanynda Reseı men Belarýs azamattary bolyp tabylmaıtyn azamattar úshin «Rýdnıa» ótkizý beketindegi ótkel tolyǵymen jabyldy, al 2024 jyldyń 8 qańtarynda osy atalǵan shekteý qalǵan eki «Qyzyl» jáne «Qyzyl tas» ótkizý beketterine de taraldy.

Qazir Reseı tarapynyń kómegi­men «Reseı-Belarýs» shekarasyn­daǵy jaǵ­daı basqa ótkizý pýnkti arqyly júk aǵyn­daryn qaıta baǵyttaýǵa múmkin­dik ber­di. Kólikterdiń negizgi bóligi shekaradan ótip úlgerdi. Navıga­sııa­lyq plomba­lar­dy elektrondy túrde rásimdeýdi qajet ete­­tin júktermen qıyndyqtar týyndady.

Taraptar jaǵdaıdy tezirek sheshý úshin barlyq qajetti sharany qabyl­daýǵa kelisti. Kelissózder EEK Keńesi­niń otyrysy qarsańynda Máskeý­degi eki­jaqty kezdesý sheńberinde jalǵasady.