Japonııa Aıǵa qondy

Aıdy zertteıtin SLIM – jeńil avtokólikke uqsaıtyn ǵarysh modýli. Ol «dál qo­ný» tehnologııasyn paıda­la­nýymen erekshe. Buǵan deıingi Aıǵa qonǵandarǵa qa­­­­ra­ǵanda áldeqaıda iri ba­qylaý jasaýǵa qabiletti. Ja­ponııa aeroǵaryshtyq barlaý agenttiginiń ǵarysh apparattaryn dál qondyrý tehnolo­gııasy jıyrma jyldyq ju­mysynan keıin osyndaı ná­tıjege jetti.

Japondyqtardyń basty maqsaty – Aıdyń kez kelgen jerine qonýǵa múmkindik be­retin jańa qoný tehnolo­gııasyn synaqtan ótkizý. Qon­ǵannan keıin ǵarysh kemesi Aıdyń shyǵý tegi týraly bi­limdi keńeıtý úshin topyraq úlgilerin zertteıdi ári arnaıy kameranyń kómegimen mıneraldardy taldaıdy. Kúnshyǵys eli jerdiń tabıǵı serigine modýlin qondyrǵan álemdegi besinshi memleket atan­dy. Bu­ǵan deıin Keńes odaǵy, AQSh, Qytaı jáne Úndis­tannyń qoly Aıǵa jetken edi. Olardyń ishinde Ún­distan jer seriginiń ońtús­tik polıýsine óz modýlin qon­dyr­ǵan alǵashqy memleket re­tinde tarıhqa endi.

Qoný barysynda ǵarysh kemesi Shıorı krateri aıma­ǵynda belgilengen jerden 100 metr radıýsta qondy. Buǵan týraly NASA-nyń burynǵy qyzmetkeri jáne SpaceWatch Global bas redaktory Em «bu­ryn-sońdy bolmaǵan» degen baǵa berdi. Shynynda da ǵarysh apparattarynyń kóbi belgilengen nysanadan birneshe shaqyrym jerge qo­natyn edi. Al SLIM dál qoný tehnologııasynyń nátı­jesinde «aı mergeni» degen atqa ıe boldy.

Japondyqtar Aıǵa sátti qon­ǵanymen, birshama qı­yn­dyqqa tap boldy. Bul jetistikteri qysqamerzimdi bolýy múmkin. Japondyq ǵarysh agenttiginiń habarlaýynsha, JAXA apparaty men kún batareıasyna qatysty másele týyp, elektr qýatyn óndire almaıtyn bolǵan. Qazirgi jaǵdaıda batareıa birneshe saǵat jumys isteýge ǵana arnalǵan. Basqa sensorlardyń qalaı jumys isteıtinine súıene otyryp, JAXA keshki baspasóz más­lıhatynda SLIM sátti qonýǵa qabiletti ekenin aıtty. Ǵarysh kemesi jermen baılanys ornata alady, biraq qýaty az. Kún batareıasynyń jumys istemeıtindiginen basqa, onyń naqty túıitkili nede ekeni áli belgisiz. Panelder dál qazir kún sáýlesin alýǵa qaýqarsyz bolýy da múmkin. Sodan keıin kún ornyn aýystyrǵan kezde ǵana qýattaý bastalady. Alaıda JAXA ne bolǵanyn túsiný úshin kóp ýaqyt qajet deıdi. SLIM-men birge shyqqan eki kish­kentaı LEV-1 jáne LEV-2 roverleri otyrǵyzý aldynda odan sátti bólinip shyqty. Ázirge olar jumys istep tur. JAXA qazir otyr­ǵyzýdan maksımaldy de­rek­terdi alý úshin SLIM ju­my­synyń qalǵan ýaqytyn ba­ryn­sha arttyrýǵa basa nazar aýdaratynyn atap ótti. Agent­­tik kelesi aptada mıs­sııa­nyń qazirgi jaǵdaıy týraly taǵy bir baspasóz máslıhatyn ótkizýdi josparlap otyr. SLIM ýaqyty aıaqtalýǵa ja­qyn bolyp kóringenimen, qonýdyń ózi mańyzdy belgi boldy.