Atyraý oblystyq balalar aýrýhanasyna jylyna 7 myńǵa jýyq naýqas qabyldanady. Naýqas balalardyń 70 paıyzy – shuǵyl, al 30 paıyzy josparly emdelý maqsatynda túsedi.
Oblystyq densaýlyq saqtaý basqarmasy baspasóz qyzmetiniń málimetinshe, balalary emdeletin ata-analar tarapynan kóptegen usynys túsip júr. Sonyń biri – naýqas balalardy sergitý úshin oıyn alańyn ashý. Osyǵan baılanysty oblystyq balalar aýrýhanasynyń travmatologııa, pedıatrııa, hırýrgııa, nevrologııa, reabılıtasııa jáne otorınolarıngologııa bólimshelerinde oıyn alańy jabdyqtaldy.
Aýrýhanadaǵy oıyn alańdaryn ashýǵa «Bertlıng Kazah Lodjıstık» kompanııasy demeýshilik kómek kórsetti. Demeýshi kompanııanyń bas dırektory Álııa Jaqsylyqovanyń aıtýynsha, oıyn alańdaryn jabdyqtaý jumysy byltyr qazan aıynda bastalǵan.
«Bul – bizdiń qaıyrymdylyq is-sharamyz. Aýrýhanada emdeletin balalardyń oılaý qabiletin damytýǵa úles qosqymyz keldi. Sol maqsatpen oıyn alańdaryna kúrdeli jóndeý júrgizilip, balalardyń aqyl-oıyn jetildirýge qajetti qural-jabdyqtarmen qamtamasyz etildi. Bul úshin 4 mln teńgege jýyq qarjy jumsaldy», deıdi Álııa Jaqsylyqova.
Atyraý oblysy