Abaı oblysynda úılerdi tonaýmen aınalysqan asa qaýipti urylar toby ustaldy. Polısııa Abaı oblysynyń Aıagóz qalasynda arnaıy operasııa júrgizip «serııalyq» qylmysqa qatysy bar urylar tobyn qolǵa túsirdi, dep habarlaıdy Egemen.kz Polisia.kz-ke silteme jasap.
«Kúdiktiler úı-jaılardy jaıpap tonaýmen kún kórgen. Byltyrdan beri aýdan polısııasyna jergilikti turǵyndardyń úılerinen aqsha, qymbat zattar men zergerlik buıymdardyń urlanǵany týraly aryzdar túse bastaǵan. Qoldy bolǵan qundy zattardyń jalpy somasy 2 mln 170 myń teńgeni qurady. Tergeý málimetteri boıynsha, urylar úı ıeleri joq kezde jeke sektordyń aýmaǵyna kirip, plastıkalyq terezelerdi syndyrý arqyly ishke kirip, qundy zattardy urlaǵan», delingen aqparatta.
Arnaıy operasııa kezinde ustalǵan kúdiktiler ızolıatorǵa qamalyp, urlyq jáne úı-jaıǵa zańsyz kirý faktileri boıynsha qylmystyq is qozǵaldy.