Zeınetaqysy 140 myń teńgeden aspaıtyn zeınetkerlerge memleketten 50 myń teńge mólsherinde birjolǵy tólem beriletini týraly messendjerler men áleýmettik jelilerde taratylyp jatqan aqparat shyndyqqa janaspaıdy, dep jazady Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
«Messendjerlerde zeınetkerlerge materıaldyq kómek tólenetini týraly jalǵan aqparat taralyp jatyr. Taǵaıyndalǵan qarajatty alý úshin belgisiz adamdar Halyqqa qyzmet kórsetý ortalyǵyna habarlasyp, №2 nysandy toltyrýdy usynady.
Atalǵan materıaldyq kómek túri joq ekenin jáne memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylatynyn habarlaımyz.
Azamattardan tek resmı kózderdegi aqparatty paıdalanýyn suraımyz. Jalǵan aqparatty taratý zańmen jazalanatynyn esterińizge salamyz», delingen aqparatta.