Ońtústik Koreıanyń Kanvon qalasynda ótip jatqan qysqy sport túrlerinen IV jasóspirimder Olımpıadasynda ulttyq qurama sportshylary medal úshin synǵa tústi, dep jazady Egemen.kz Týrızm jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
Bıatlonnan aralas komandalyq estafetada (4×6 km) Álema Qarabaeva, Evelına Mezenseva, Kırıll Zotov pen Anton Redkın dodaǵa qosylyp, 11-oryndy mise tutty.
Jarysty Álema sórede 26 quramanyń ishinde 8-nomermen bastaǵan. Bul saıysta Italııa quramasy Olımpıada chempıony atandy, Fransııa sportshylary kúmis, Chehııa sańlaqtary qola medal ıelendi.
Bıatlonnan elimizdiń sportshylary jasóspirimder arasyndaǵy qysqy Olımpıada oıyndarynan taǵy da júldesiz qaıtty.