Ulttyq ónerimiz Fransııany uıytty

Qazaq ónerpazdarynyń kon­serttik baǵdarlamasy Belfor zalynyń resmı kestesine endi. Uıym ókilderiniń aıtýynsha, bul sırek kezdesetin oqıǵa. Sodan bolar, zal kórermenge lyq tolyp, qoshemetke bólendi.

Aıta keteıik, «Focus Kazakh­stan 2024» jobasyn Bel­for Ulttyq teatry «Le GRANIT» jáne «Art Ambass­adeurs» uıymy uıym­das­tyryp otyr. Jalpy, is-sharanyń maqsaty – Qazaqstan men Fransııa arasyndaǵy má­denı yntymaqtastyqty nyǵaı­tý. Aldaǵy ýaqytta túrli jár­meńkeler, fılmder men kór­meler ótkizý jospary bar. Es­ke salsaq, 2022 jyly atal­ǵan uıym ókilderiniń joba­ny iske asyrý aıasynda eki el­diń mádenı yntymaqtastyq máse­le­lerin talqylaý maqsa­tyn­da «Qazaqkonserttiń» tynys-tirshiligimen tanysyp qaıtqan edi. Delegasııa «Halyq qazy­nasy» ulttyq óner orta­ly­­ǵynyń ártisteri men klas­sı­­­kalyq óner bóliminiń solıs­teriniń shyǵarmashylyǵyna zor qyzyǵýshylyq tanytty. Ná­tı­jesinde, «Qazaqkonsert» ártis­teri «Focus Kazakhstan 2024» jobasynda óner kórsetip jatyr.

19 qańtarda Maison du Peuple de Belfort zalynda álemge áıgili «TURAN» etno-folklorlyq ansambli, qazaq bı óneriniń injý-marjany «Gúlder» ansambli men «Halyq qazynasy» ulttyq óner ortalyǵynyń solısteri Aızat Qarabek pen As­qar Muqııattyń qa­ty­sýymen «Dala áýen­­deri» kon­­serti ótti. Ártisterdiń shy­ǵar­­­­mashylyq kol­la­borasııa­sy sheteldik kórer­menge dala rý­hy men ulttyq mura baılyǵyn bi­rik­­tir­­gen qazaq máde­nıetiniń ásem ále­mi­nen umytylmas áser syılady.

Al 26 qańtar kú­ni jospar­lanǵan mý­zykalyq keshke klas­­sıkalyq óner bó­li­miniń solısteri, Qazaq­stannyń eńbek sińirgen qaı­ratkeri Bıbigúl Januzaq, Má­denıet salasynyń úzdigi Dına Mırmanova, «Daryn» mem­leket­tik jastar syılyǵynyń laý­reaty Azat Málik jáne «forte trio» memlekettik trıosy qa­tysady. Konsert baǵdarlama­syn­da sheteldik jáne elimizdiń kompozıtorlarynyń klassıkalyq mýzyka jaýharlary oryndalady.

Fransııanyń qoǵam qaıratkeri Rafael Sodını eki el arasyndaǵy ortaq múddelerdiń bar ekenine toqtaldy.

«Bul qazaq mádenıetin jaqsy bilmeıtin, biraq tanysqysy ke­le­tin Belfor turǵyndaryna keremet múmkindik. Qazaqstan men Fransııa arasynda ortaq múddeler bar. Tek saıası-ekonomıkalyq tur­­ǵyda emes, mádenı jaǵynan da qarym-qatynasymyzdy ny­ǵaı­tý mańyzdy dep oılaımyn. «Turan» etno-folklorlyq an­sam­bli Belforda ekinshi márte óner kórsetip otyr. Bul joly jergilikti tyńdarman kóp boldy. Sondaı-aq aty ańyzǵa aınalǵan «Gúlder» ansambliniń jańa qu­ramy fransııalyq qaýym úshin ja­ńa­lyq boldy», dedi Rafael Sodını.

Sondaı-aq «Gúlder» ansambli­niń bas baletmeısteri Anvara Árip­qyzy gastroldik sapardyń mádenı mańyzyn atap ótti.

«Fransııa sahnasynda óner kórsetý – biz úshin bir jaǵynan synaq, bir jaǵynan mártebe. Belgili «Turan» ansamblimen birge shyqqanymyz da bıshilerge emtıhan syndy. Ulttyq aspaptarda dástúrli áýenderimiz oryndaldy. Myń buralǵan bıshilerimiz ben ánshilerimiz óz ónerlerimen shashý shashty. Sahnadaǵy kógildir ekran­­­nan elimizdiń kórikti jer­leri kór­­setildi. Konsertke jınal­ǵan qaýym Qazaqstanǵa vırtýaldy saıa­­hat jasaǵandaı áser­­de bol­ǵanyn erekshe tań­­da­nyspen aıtty», dedi ol.

Al ánshi Asqar Muqııat fransýz sahnasynda halyq áni «Eki jırendi» shyrqady. Bul ándi tańdap alýy da beker emes.

«Fransýzdardyń jáne sol jaqta ómir súrip jatqan túrki tildes halyqtardyń qazaqtyń ulttyq ónerine, ulttyq aspaptaryna, bıi men ánine degen ys­tyq yqylasyn kórip, erekshe tol­qydym. Alǵashqy konsertimiz jo­ǵary deńgeıde ótti. Kesh sońynda kórermender oryndarynan turyp, qoshemet kórsetip, bizdi sahnadan jibermeı biraz turdy. Al ózim Fransııa eline halyq áni «Eki jıren» men Úkili Ybyraıdyń «Jıyrma besin» tańdap aldym. О́ıtkeni «Eki jıren» – qazaq ónerin Eýropa tórine tanytqan Ámire Qashaýbaevtyń repertýarynda bolǵan jáne Parıjde oryndalǵan án», deıdi Asqar Muqııat.

«Focus Kazakhstan 2024» is-sharasy eki eldiń mýzykalyq dás­túrleriniń mádenı baılanysyna basa nazar aýdarǵan eki el arasyndaǵy biryńǵaı mádenı kópir bolmaq. Aıta keteıik, jyl sońyna deıin jalǵasatyn joba aıasynda birqatar konsert, jármeńke, kıno kórsetilim men kórme josparlanyp otyr.