Memleket basshysy Qasym-Jomart Toqaev Kaspi.kz kompanııasynyń negizin qalaýshylar Vıacheslav Kım men Mıhaıl Lomtadzeni qabyldady, dep habarlaıdy Egemen.kz Aqorda baspasóz qyzmetine silteme jasap.
Prezıdentke Kaspi.kz kompanııasy qyzmetiniń nátıjeleri men damý perspektıvalary týraly málimet berildi.
Vıacheslav Kım men Mıhaıl Lomtadze Qasym-Jomart Toqaevqa Kaspi.kz kompanııasynyń AQSh-taǵy NASDAQ qor bırjasynda IPO-ǵa tabysty shyqqany týraly aıtty. Bul bırjada Apple, Amazon, Google jáne basqa da álemdik jetekshi tehnologııalyq kompanııalardyń aksııalary ornalastyrylǵan.
Memleket basshysy Kaspi.kz kompanııasynyń negizin qalaýshylaryn aıtýly jetistigimen quttyqtady.
Sonymen qatar kezdesýde elimizge álemdik jetekshi ınvestorlardy kóptep tartý úshin ınvestısııalyq klımatty jaqsartý perspektıvalary talqylandy.