Shyǵys Qazaqstan oblysy Tótenshe jaǵdaılar departamenti Kúrshim aýdanynda adasyp ketken adamnyń denesin tapty. 23 qańtar kúni eki adamnyń boranda adasyp qalǵany habarlanǵan edi, dep jazady Egemen.kz.
Boranda baǵytty baǵamdaı almaǵan adam sol kúni denesin úsik shalǵan aýyr halde tabyldy. Ony sanıtarlyq avıasııa О́skemendegi oblystyq mamandandyrylǵan medısınalyq ortalyqqa jetkizgen.
Al ekinshi adamdy izdeý-qutqarý jumysy 3 kúnge sozyldy. Búgin onyń denesi tabyldy.
Qalyń qar saldarynan izdeý jumysyn júrgizý qıynǵa soqqan.
«Izdeýge qutqarýshylar, polıseıler men jer jaǵdaıyn jaqsy biletin aýdan turǵandyry tartyldy. Izdeý jumystary shana, shańǵy jáne atpen júrgizildi. Osylaısha búgin er adamnyń denesi tabyldy. Oqıǵanyń barlyq mán-jaıy anyqtalyp jatyr», dep jazdy ShQO polısııa departamentiniń baspasóz qyzmeti.