Qaraǵandy qalasy Maıqudyq aýdanynda jedel járdem júrgizýshisin uryp-soqqan er adamnyń vıdeosy áleýmettik jelide taralyp, kópshiliktiń narazylyǵyn týdyrǵan edi. Vıdeoǵa quzyrly organdar da nazar aýdaryp, isti erekshe baqylaýǵa aldy, dep jazady Egemen.kz.
Aýyr soqqylardan soń jedel járdem júrgizýshisiniń bas mıy shaıqalyp, muryn súıekteri synǵan, keýde qýysy men bettiń jumsaq tinderin aýyrtyp alǵan. Jábirlenýshi qazir aýrýhanada em alyp jatyr. Al kúdiktige qatysty qylmystyq is qozǵalyp, 2-sanattaǵy izdeý jarııalandy.
Qaraǵandy Jańa-Maıqudyq polısııa bóliminiń qyzmetkerleri 1987 jyly týǵan Nurbolat Dákebaevtyń júrgen jeri týraly málimet biletinderdi 102 nemese 8 (7212) 40 79 19 telefondaryna habarlasýyn suraıdy.
Jergilikti polısııa qyzmetkerleri izdeý aıasynda onyń sýretterin adam kóp júretin oryndar men baǵana, saýda oryndaryna ilip qoıǵan.