Ańǵarǵan adamǵa búginde barlyq salada baqylaý men tártiptiń kúsheıip kele jatqany baıqalady. Máselen, Almatyda satýshylarǵa zergerlik buıymdar men áshekeılerdi synamasyz saýdalaǵany úshin jaýapkershilik bar ekeni eskertildi.
Zergerlik buıymdardy satýmen aınalysatyndarǵa tıisti tańbalar bolmaǵan jaǵdaıda qandaı jaýapkershilik qarastyrylǵan? Bul týraly Almaty О́ńirlik kommýnıkasııalar qyzmetiniń brıfınginde Saýda jáne ıntegrasııa mınıstrligi Tehnıkalyq retteý jáne metrologııa komıtetiniń Almaty qalalyq departamentiniń basshysy Qanat Qabylbekov baıandady.
Departament jetekshisi saýda nysandaryna barmaı-aq 509 profılaktıkalyq baqylaý men qadaǵalaý júrgizilip, nátıjesinde barlyq jaǵdaıda zań buzý faktileri anyqtalǵanyn atap ótti.
«Bekitilgen standart boıynsha baǵaly altyn metaldarynda barys basty belgi men Qazaqstannyń halyqaralyq abbrevıatýrasy – KZ bolýǵa tıis. Osy standartty buzý faktileri naqty anyqtalǵan jaǵdaıda departament baǵaly metaldar men asyl tastardan jasalǵan zergerlik jáne basqa da buıymdardy satýshylarǵa qatysty jospardan tys tekserýlerdi bastaıdy», dedi Q.Qabylbekov.
Departament qyzmetkerleri aıǵaqty materıaldarmen zańǵa baǵynbaýdyń dáleldi jáne naqty faktileri anyqtalǵan kezde altyn buıymdy ótkizýshige qatysty jospardan tys tıisti tekserý taǵaıyndalyp qana qoımaı, faktiler rastalǵan jaǵdaıda Ákimshilik quqyq buzýshylyq týraly hattama jasalady.
Jeke tulǵalarǵa – 50, laýazymdy tulǵalarǵa, shaǵyn kásipkerlik sýbektilerine – 80, orta kásipkerlik sýbektilerine – 100, iri kásipkerlik sýbektilerine 150 AEK mólsherinde aıyppul salynady.
«Sondaı-aq satýshyǵa zańsyzdyqty joıý týraly nusqaý beriledi. Iаǵnı satýshy óz óniminiń normatıvtik qujattandyrý talaptaryna sáıkes keletindigi týraly akt alǵannan keıin, basty synamalyq tańbamen tańbalaýdy júrgizýi kerek», dep túsindirdi spıker.
Zań buzý joıylyp, másele rettelgennen keıin zergerlik buıymdar qaıtadan saýdaǵa shyǵarylýy múmkin.
ALMATY