2-4 aqpan kúnderi Fransııanyń Parıj qalasynda dzıýdodan Grand Slam týrnıri ótedi. Elimizdiń quramasy aıtýly dodaǵa attanady, dep habarlaıdy Egemen.kz.
Erler quramasynyń bas bapkeri Nurbol Súleımenov reıtıngtik upaı beriletin dodaǵa balýandar tas-túıin ázir ekenin aıtty. Olympic.kz saıtyna bergen suhbatynda bas bapker álem chempıony, jazǵy Olımpıada oıyndarynyń kúmis, qola júldegeri Eldos Smetov Parıjdegi dodaǵa jeke-dara ázirlik júrgizgenin málim etti.
N.Súleımenov Eldos Smetovke erekshe kóńil bólinip, jeke bapkerimen birge jattyǵý ótkizý úshin Reseıge barǵanyn aıtty. Ulttyq qurama múshelerimen birge de sońǵy jattyǵý jıynyn ótkizgen.
Parıj jazǵy Olımpıadasyna joldama reıtıngtegi kórsetkishke qaraı beriledi. Sondyqtan da balýandar upaı jınaý úshin baryn salatyny aqıqat. Parıjde ótetin Grand Slam týrnırinde álemniń tańdaýly sportshylary beldesýge túsedi.