«Bıyl 200-den asa kitap shyǵaramyz»

Kitap dúkenderine jıi bas suǵa­tyn oqyrman bul baspany jaqsy biledi. Baspa qazaq jazý­shy­larynyń tańdaýly shyǵar­­m­alaryn, álem ádebıetiniń ozyq týyn­dylaryn qazaq tilinde usy­na otyryp, oqyrmandardyń úz­dik shyǵarmalardy ana tilinde oqýy­na úles qosyp keledi. «Fo­lıant» baspasynyń bas redaktory Farıda Tobashalova 2023 jyl ujym úshin tabysty bolǵanyn aıtady.

«Baspamyzdyń kitap qor­jy­ny qazaq tilindegi 150 kitap­pen tolyqty. Onyń 60-qa jýy­ǵy – kórkem ádebıet, 70-i – bala­lar­ǵa arnalǵan, 20-sy non-fıkshn janryndaǵy kitaptar. Atap ótsek, Aın Rendtiń 3 kitap­tan turatyn «Atlant silkindi» atty antıýtopııalyq romanyn aǵylshyn tilinen aýdaryp shy­ǵardyq. Sonymen qatar Marıo Pıýzonyń «О́kil áke», nemis ǵalymy Robert Kındlerdiń «Sta­lındik kóshpendiler», Gregorı Devıd Robertstiń «Shantaram», Margaret Mıtchelldiń «Jel ótin­degi taǵdyrlar», Remarktyń «Saltanat qaqpasy» sııaqty álem­ge tanymal týyndylar qa­zaq tilinde basylyp shyqty. Bala­larǵa bazarlyq retinde Baıanǵalı Álimjanovtyń «400 tátti taqpaǵy» men Keńes Oraz­bekulynyń «Turan baha­dúrle­ri nemese Er, Bı, Nardyń er­lik joryqtary» atty kitaptary da jas oqyrmanǵa usynyldy», deı­di bas redaktor.

Mundaǵy kórkem ádebıettiń ózi «Sóz-marjan», «Álemdik klassıka», «Úzdik shetel ádebıeti», «Úzdik bestseller», «Nobel syı­lyǵynyń ıegeri», «Altyn tamyr», «Shytyrman oqıǵalar», «Álemdik detektıv sheberleri», «Búgingi proza» atty 9 serııamen shyǵady.

«Al bıylǵy josparǵa kelsek, osy jyly 200-den asa ki­tap shyǵarýdy kózdep otyrmyz. Ásirese balalar ádebıetine úlken mán berip otyrmyz. Son­dyqtan qazaq balalar jazýshylary­nyń shyǵarmalaryn kóptep shy­ǵarý maqsatynda «Qazaq balalar ádebıeti» atty jańa serııany qolǵa aldyq. Bul serııamen S.Bega­lın, B.Soqpaqbaev, S.Muratbekov, S.Jú­nisov, T.Rymjanov syndy jazýshylardyń shy­ǵarmalaryn jańa formatta, erekshe dızaınmen shyǵaramyz. Sondaı-aq jańa avtor Ámir Shyń­ǵyshannyń «Zaman. Kentavrdyń ba­synan keshkenderi» atty fan­tas­­tıkalyq hıkaıaty jaqynda oqyr­manǵa usynylady», dedi F.Tobashalova.

Sondaı-aq ol byltyr jas ja­zý­shylardy qoldaý maqsa­tyn­da «Búgingi proza» atty jańa serııa ashylyp, Jadyra Sha­mu­ratovanyń «Sandyq», Álisher Rahattyń «Mahabbatym – Son­stant. Parallel» romandary shyq­qanyn atap ótti. Bıyl da osy serııa jalǵasyp, Ularbek Dáleı, Qanaǵat Ábilqaıyr, Baqytgúl Sár­mekova, Mıra Shúıinshálıe­va, Qoıshybek Múbárak, Esbol Nurahmet, Aıagúl Mantaı, Erbolat Ábiken, basqa da jazýshylar­dyń kitaptary jaryq kórmek.

«Qazaq ádebıetiniń ozyq týyn­dylary men qazaq máde­nıeti týraly kitaptardy basyp­ shyǵarýǵa arnalǵan taǵy bir jańa jobany qolǵa aldyq. Joba aıasynda ultymyzdyń salt-dástúri, ádet-ǵurpy, tanymy, tili men dili jaıynda aq­parattyq-tanymdyq kitaptar men qazaqtyń tól ádebıetiniń proza-poezııalyq týyndylary jaryq kóredi. О́z oqyr­man­darymyz ben sheteldikterge de qazaq halqyn «etnos» retinde tanytý maqsatynda kitaptardy qazaq, orys, aǵylshyn tilinde basyp shyǵarýdy josparlap otyrmyz», deıdi bas redaktor.

Atalǵan joba aıasynda shyǵa­tyn «Qazaq qazynasy» serııasynda qazaqtyń materıaldyq jáne rýhanı mádenıeti týraly keńinen baıandaıtyn Bolat Bopaıuly­nyń «Qazaq kádesi», «Kıiz úı – ǵalam modeli», «Qazaq minezi» jáne basqa da qundy kitaptar basylyp shyǵady. Belgili etnograf Aqseleý Seıdimbektiń birneshe kitaby, qazaq klassık jazýshylarynyń shyǵarmalaryn aǵylshyn tilinde shyǵarý boıynsha jumystar júrgizilip jatyr.

Sonymen qatar belgili qa­lam­gerlerdiń mereıtoıy da eleý­siz qalmaıdy. Bıyl Júsipbek Aımaýytulynyń týǵanyna 135 jyl, Sábıt Dónentaıulyna 130 jyl tolady. Osyǵan oraı bas­pa­dan J.Aımaýytulynyń «Qart­qoja», S.Dónentaıulynyń «Kór­kemtaı» shyǵarmalaryn basylyp shyqpaq.

Aıta keteıik, «Folıant» ­bas­­pasy jylda elorda tórinde «Eurasian Book Fair» Eýrazııa­lyq halyqaralyq kitap kórme-jár­meńkesin uıymdastyrady. Kórme alys-jaqyn shetelderden – Túrkııa, Qytaı, Reseı, basqa da elder men otandyq baspalardy jáne kitap dúkenderin bir alań­ǵa biriktirýdi, eldegi baspa isi ındýstrııasyn damytýdy kózdeıdi. Atalǵan kórme bıyl 17-21 sáýir aralyǵynda 6-ret ótkeli otyr.