Bıyl – kenshiler qalasynyń mereıtoıy. Endigi mádenı uıymdar qazynaly qala tarıhyn jurt jadynda jańǵyrtý maqsatynda túrli kórme, kezdesýlerdi bastap ketken. Aqpan aıynan oblystyq beıneleý óneri mýzeıi de «Qaraǵandy – Saryarqanyń monýmentaldy ortalyǵy» atty murajaı sabaǵyn ótkizedi.
Murajaıda qalanyń sáýlet ónerinen syr shertetin sýretterden kórme uıymdastyrylady.
– Qala mektepteri men kolledjderiniń oqýshylaryna arnap kórme jıi ótkizemiz. Mundaǵy kórmeni tamashalap qana qoımaı, olar taqyryptyq sabaqtardy osynda ótkize alady. Qala tarıhy barshaǵa ortaq. Sol sebepti oqýshylarmen birlese jumys isteımiz, – deıdi murajaıdyń ǵylymı qyzmetkeri Aıgúl Omarova. – Murajaıdaǵy sabaǵymyz Qaraǵandynyń monýmentaldy óneri taqyrybyna arnalmaq. Qalanyń sáýlet qurylysy erekshe. Biz oqýshylarǵa qalamyzdyń monýmentaldy óneriniń alýan túrliligin kórsetkimiz keledi. Máselen, murajaı sabaǵyna Manat Amanbaevtyń «Nurken Ábdirovtiń eskertkishi» atty lınogravıýrasy qoıylady. Sýretshi Pavel Rechenskıı qalanyń qalaı salynǵany jónindegi áńgime órbitedi. Sol kezde dúrildep turǵan «Iýbıleınyı» dúkeni, kópqabatty úılerdegi mozaıkalyq fotosýretter tarıhy da aıtylady.
Bul murajaı sabaǵy orta jáne joǵary synyp oqýshylaryna arnalǵan. Murajaı sabaǵyna 475-475 nómiri boıynsha jazylýǵa bolady. Oblystyq beıneleý óneri mýzeıi Qaraǵandy qalasy, Buqar jyraý dańǵyly, 76 mekenjaıynda ornalasqan.
Qaraǵandy oblysy