Jańa zaýyt iske qosylady

Qazir Almaty oblysynda sharýa­lardyń 8 paıyzy ǵana tam­­shylatyp sýarý ádisin qolda­na­dy. О́ńir basshysy Marat Sultanǵazıev sýdy únemdeý tehnologııasyna kóshý mańyzdy ba­ǵyt­tardyń biri ekenin atap ótip, jaýap­tylarǵa tıisti tapsyrmalar bergen edi.

Atalǵan baǵytta jumystar bas­­talyp ketti. Naqtyraq aıt­qan­da, bıyl qytaılyq kompanııa ókilderi Qonaev qalasynda «Jibek joly» JShS atty aýqymdy za­ýyt keshenin iske qospaq nıette. Osyǵan oraı Almaty oblysynyń ákimi Marat Sultanǵazıev zaýyt­tyń tynys-tirshiligimen tanysty.

Kompanııa ókilderiniń sózin­she, munda tamshylatyp sýa­rýǵa arnalǵan qubyrlar men qu­rylǵylar, qurama jem men qur­ǵaq sút zaýyty, sharýa­shy­lyq­qa arnalǵan jabdyqtar shy­ǵa­rylady. Zaýyt kúnine 1 000 gektar aýmaqty qamtıtyndaı ónim óndiredi. Qajetti shıkizat kórshiles Qytaı elinen ákelinedi. О́ndirilgen ónim aldymen Qazaq­stanǵa, keıinnen eksportqa shyǵa­rylady. Aıta keterligi, osy ýa­qyt­qa deıin elimizde balalarǵa arnalǵan qurǵaq sút shyǵaratyn birde-bir zaýyt ashylmaǵan.

Investorlar bos qalǵan zaýyt ornyn bankten satyp alyp, 10 mln dollar kóleminde qarjy quıǵan. Byltyrdan bastap qaraýsyz qalǵan zaýytty ıgerip, qajetti jabdyqtaryn ákele bastaǵan. Endi taýardy tasymaldaý úshin temirjol qajet­ti­ligi týyndap otyr.

О́z kezeginde oblys ákimi mem­le­kettik qoldaýdyń barlyq túri kórsetiletinin atap ótti. Onyń ishinde sýbsıdııa, «Bıznestiń jol kartasy» baǵdarlamasy boıynsha qarastyrylǵan kómek, temirjol salý sekildi birqatar shara bar.

Sondaı-aq aımaq basshysy tamshylatyp sýarý ádisine kóshý boıynsha Sheńgeldi aýyly basqa eldi mekenderge úlgi bolýy kerek ekenin aıtty.

«Sharýalar búginnen bastap osy zaýyttyń basshylyǵymen ke­lisimge kelip, kelissózder júr­gize bastaýy kerek. Gektaryna shaq­­qandaǵy qurylǵylardyń somasy ázirshe belgisiz. Degenmen bul – úlken múmkindik. Taǵy bir aıta keterligi, atalǵan óndiris oshaǵy bizge jańa tehnologııany ákelip qana qoımaı, sheteldik standarttarmen otandyq ónim­der­di teńestirýde», dedi Marat Eleýsizuly.

Aıta keteıik, Qonaev qala­syn­da 4 túrli ınvestısııalyq joba júzege asyp keledi. Sonyń biri «Ospanova Development» JShS-na tıesili balyq zaýytynyń jalpy qýat­ty­lyǵy 10 myń tonna balyq ósirý­ge qaýqarly.

Almaty oblysy