Búgin – Ulttyq basylym kúni. 1913 jyldyń 2 aqpanynda Orynbor qalasynan «Qazaq» gazetiniń alǵashqy sany jaryq kórip, oqýshy qaýymǵa jol tartty. Mádenıet jáne aqparat mınıstri Aıda Balaeva Ulttyq basylym kúnimen quttyqtady, dep jazady Egemen.kz vedomstvonyń baspasóz qyzmetine silteme jasap.
«2023 jyly Úkimet qaýlysymen 2 aqpan Ulttyq basylym kúni bolyp bekitildi. 111 jyl buryn 2 aqpan kúni «Qazaq» gazetiniń birinshi nómiri shyqty. Onyń bastaýynda Ahmet Baıtursynuly, Álıhan Bókeıhanuly, Mirjaqyp Dýlatuly sekildi ult zııalylary turdy. «Qazaq» gazetinde Mustafa Shoqaı, Sultanmahmut Toraıǵyrov, Sábıt Dónentaev, Halel Dosmuhamedov jáne taǵy basqa tanymal qoǵam qaıratkerleri óz maqalalaryn jarııalady. Qazaq zııalylary qurǵan gazet ulttyq jańǵyrýdyń qaınar kózi boldy. Sol sebepti osy datany Ulttyq basylym kúni retinde atap ótýdiń mańyzy zor», dedi mınıstr.