EEK Alqasynyń Tóraǵasy Baqytjan Saǵyntaev Eýrazııalyq úkimetaralyq keńes otyrysynda «Eýrazııalyq Agroekspress» jedeldetilgen temirjol jáne mýltımodaldy tasymaldaý boıynsha birlesken jobasyn iske asyrý jalǵasyp jatqanyn aıtty, dep jazady Egemen.kz.
«Qazirgi ýaqytta jobanyń negizgi tasymaldaý baǵyty Qytaı bolyp tabylady. О́tken jyly alǵash ret Úndistan men Iranǵa dáliz ashyldy. О́zbekstanǵa pılottyq jetkizý aıaqtaldy, BAÁ-ge de jóneltý jumystary júrgizilip jatyr», dep túsindirdi Saǵyntaev.
Sonymen qatar EAEO elderiniń kólik salasyndaǵy basym ıntegrasııalyq ınfraqurylymdyq jobalarynyń tizbesi keńeıtildi. Qazaqstannan eki, Qyrǵyzstannan eki joba engizilgen. Qazaqstandyq jobalar «Soltústik-Ońtústik» shyǵys halyqaralyq kólik dálizin damytýǵa baǵyttalǵan, al Qyrǵyzstandaǵy jobalar Bishkekti aınalyp ótetin avtomagıstral jáne Balyqshydan Jalal-Abadqa deıingi temirjol qurylysyn qamtıdy. Saǵyntaev Almatyda ótken Eýrazııalyq úkimetaralyq keńes otyrysynyń basqa da nátıjelerine toqtaldy.
«Úkimet basshylary EAEO elderindegi makroekonomıkalyq jaǵdaı týraly jyl saıynǵy baıandamasyn usyndy. 2023 jyly oń ekonomıkalyq dınamıka jalǵasty. Tutyný jáne ınvestısııalyq suranys ósti, ónerkásip óndirisi ósti, qurylys jumystarynyń kólemi jáne basqa da kórsetkishter ósti», dedi ol.
О́tken jyldyń 11 aıynda EAEO aıasyndaǵy ózara saýdanyń ósimi 5,6%-dy qurady. Odaqtyń syrtqy saýda aınalymyndaǵy ózara saýdanyń úlesi bir jylda 15,3%-dan 18,3%-ǵa ósti.
Sondaı-aq ol sıfrlandyrý máselesi únemi nazarda ekenin atap ótti. 2023 jyldyń sońynda jalpy sıfrlyq prosesterdiń tehnıkalyq daıyndyǵy úrdisi baıqalady. Olardy kommersııalyq paıdalanýǵa berý jumystary júrgizilip jatyr.
«Krıptografııalyq aqparatty qorǵaý quraldaryn birlesip ázirleý boıynsha is-sharalar jalǵasyp jatyr. Biz úshin bul mańyzdy kezeń. Tıisti jospardy Memleket basshysy bekitti. Ony júzege asyrý bizge tehnologııalyq qaýipsizdiktiń túbegeıli jańa deńgeıine shyǵýǵa múmkindik beredi», dedi. EEK alqasynyń tóraǵasy.
Úkimetaralyq keńestiń kelesi otyrysy Belarýste ótedi.