Ekologııalyq jýrnalıstıka

Mádenıet jáne aqparat mı­nıstrliginiń bastamasymen uıym­dastyrylǵan is-sharaǵa BUU Aq­parattyq ortalyǵy, BUU Ja­han­dyq kommýnıkasııalar depar­tamentiniń ókildigi qoldaý bil­dirgen. Aqparat aıdynynda jol silteıtin maz­mundy kýrstardyń sala ma­mandarynyń, jýrnalıstı­ka fa­kýlteti stýdentteri men ma­gıstranttarynyń ekologııalyq bilimin arttyrýyna tıgizer septigi mol. Kýrstardyń bul sıkli 2020 jyldan bastap sol kezdegi Aqparat jáne qoǵamdyq damý mınıstrligi men ulttyq ýnıversıtet arasyn­daǵy ózara túsinistik jáne ynty­maqtastyq týraly memorandýmdy iske asyrý sheńberinde ótkizilip keledi. Is-shara ýnıversıtettiń 90 jyl­dyǵyna oraılastyrylǵan.

«Qazaqstandaǵy ekojúıeni saqtaý jáne qalpyna keltirý: mass-medıa men áleýmettik jelilerdiń yqpaly» taqyrybyndaǵy sabaq­tardy jýrnalıstıka fakýlteti men IýNESKO-nyń geografııa jáne tabıǵatty paıdalaný fakýl­tetiniń baspasóz jáne elektrondy BAQ kafedrasy júrgizdi. Kýrs sheńberinde «Klı­mattyń ózgerýimen kúresýdegi medıa quraldary», «Ekologııalyq problemalardy sheshýdegi áleý­mettik jelilerdiń áseri», «Tu­raqty damý maqsatyndaǵy eko­logııalyq seriktestik» taqy­rybynda modýl­dar qaras­tyrylyp, respýblı­kamyzdaǵy ekologııalyq jáne klı­mattyq ózge­rister týraly kitap­tar, bas­pa­sóz jáne fotosýretter kórme­si usynyldy.

Is-sharany ashqan ýnıversı­tettiń akademııalyq máseleler jó­nindegi prorektory Lázzat Erkinbaeva BAQ arqyly jal­py jurtshylyq úshin ekologııa, jahandyq klımattyń ózge­rýi máselelerin jarııalaýdyń mańyz­­dy­lyǵyn atap ótti. «Eli­miz bir­neshe halyqaralyq kon­vensııa­ny ratıfıkasııalady. Bul rette aqparatqa, onyń ishinde ekolo­gııa­lyq málimetke qol jetkizý mańyz­dy. Halyq­tyń ekologııalyq problemalar týraly shynaıy derekter­ge qoljetimdiligin qamta­masyz etýde jýrnalısterdiń úlesi zor», dedi ol.

Sonymen qatar klımattyq saıasat departamenti tómen kómirtekti damý basqarmasy­nyń sarapshysy D.Meldequl, BUU Jahandyq kommýnıkasııalar departamentiniń ókili, aqparat bıýrosynyń basshysy V.Samek, jýrnalıstıka jáne tabıǵatty paıdalaný geografııasy fakýltetteriniń dekandary T.Kópbaev pen A.Aqtymbaeva, basqa da uıymdardyń ókilderi tyńdaýshylarǵa óz lebizin jet­kiz­di. Spıkerlerdiń dáristeri men praktıkalyq tapsyrmala­ry áleý­­mettik jelilerdiń ekologııa­lyq problemalardy sheshýge, tu­raq­­ty damý maqsatynda halyq­ara­lyq áriptestik nátıjelerin taldaýǵa arnaldy. Aýǵanstan, Efıo­pııa jáne Bangladesh ýnı­ver­sı­tetteriniń oqýshylary óz elin­degi medıa men ekolo­gııanyń ózara árekettesý táji­rıbesimen bólisti.

Almaty