Kúndelikti jaıaý júrýdiń, tipti jaı ǵana aıańdaýdyń densaýlyqqa paıdasy zor, dep habarlaıdy Egemen.kz.
Adam aǵzasy úshin qımyl-qozǵalys salamatty ómirdiń bir kepili. Al kún saıyn keminde 10 myń qadam júretin bolsańyz, aǵzada baıqalatyn ózgerister:
- Aıaq bulshyqetterin qataıtady, tózimdilik pen tabandylyqqa jol bastaıdy. Belsendi fızıkalyq jattyǵýlar bulshyqetti ǵana nyǵaıtyp qoımaı, júrek-qantamyrlar júıesiniń jumysyn da jaqsartady.
- Júrekke paıdaly eń qarapaıym jattyǵý. Qandaǵy holesterın men qysymdy tómendetýge kómektesedi, júrek bulshyqetin qalypqa keltiredi.
- Kúndelikti jaıaý júrip serýendeý artyq salmaq qospaýdyń bir sebepkeri. Qımyldaý arqyly aǵzadaǵy zat almasý, asqazan-ishek joldary qyzmeti jaqsarady.
- Fızıkalyq belsendilikten baqyt gormony endorfın bólinedi. Bul arqyly adamnyń kóńil-kúıi kóterilip, kúızelisi azaıady. Taza aýada serýendeý de aǵzanyń tynyǵýyna paıdaly.
- Jaıaý júrý aǵzaǵa kóp salmaq túsirmeıtin jattyǵý. Súıekti qataıtyp, osteoporoz dertine shaldyqpaýǵa kómektesedi.