Maqsat – aýyldy túletý

Senatorlar «Demografııalyq erekshelikterdi eskere otyryp elimizdiń aýyldyq aımaqtaryn damytý» taqyrybynda ótken kezdesý barysynda aýyl halqy barlyq ýaqytta qalaǵa qaraǵanda edáýir kóp bolǵanyn atap ótti. Alaıda búginde jaǵdaı ózgerip keledi. Qazir elimizde qala jáne aýyl turǵyndarynyń tabysyndaǵy aıyrmashylyq joǵary ekeni baıqalyp otyr.

«Aıyrmashylyqtyń negizgi sebebi eńbek sıpatyna baılanysty. Statıstıkalyq aq­parattardy negizge alatyn bol­saq, ózin-ózi jumyspen qamtý­dan túsetin tabys úlesiniń salmaǵy qala turǵyndaryna qaraǵanda aýyldyq jerlerde joǵary. О́zin-ózi jumyspen qamtyǵan azamattardyń basym bóligi jetkilikti tabys ala almaıdy jáne olardyń 49,5 paıy­zy aıy­na 100 myń teńgeden az tabys tabady, olardyń ishinde 3,4 pa­ıy­zynyń tabysy eń tómengi kúnkóris deńgeıinen de tómen. Iri qalalardan shalǵaıdaǵy aýyl­dyq aýmaqtardaǵy avtomobıl joldarynyń jyl saıynǵy sapasynyń tómendeýi, halyqtyń ortalyqtandyrylǵan aýyz sýǵa, ınternet-kommýnıkasııaǵa qol jetkize almaýy men mádenı oryndar deńgeıi sekildi máseleler aýyldy aýmaqtarǵa tartymdylyqty odan saıyn tómendetip otyr», dedi Rýslan Rústemov.

Kezdesýge qatysýshylar aýyldy damytý, bilim berý, densaýlyq saqtaý, turǵyn úı jáne kólik ınfraqurylymy máselelerin talqylady.

Ulttyq ekonomıka mınıstr­ligi ókiliniń aıtýynsha, Memleket basshysynyń tapsyrmasyna sáıkes, aýyldyq aýmaqtardyń geografııalyq erekshelikteri men básekelestik artyqshylyqtaryn es­kere otyryp, olardyń áleý­met­tik-ekonomıkalyq áleýetin ashýǵa baǵyttalǵan Aýyldyq aýmaq­taryn damytýdyń 2023-2027 jyl­darǵa arnalǵan tujyrym­dama­sy iske asyp keledi. Jal­py alǵanda, tujyrymdama áleý­mettik, ınjenerlik jáne kólik ınfraqurylymyn damytý­ǵa, aýyldyq eldi mekenderde keń jolaqty ınternetke qol jet­kizýdiń tehnıkalyq múmkin­dik­terin paıdalanýǵa baǵyttalǵan.

Kezdesý «Demografııalyq ósý – ulttyń básekelestik ar­tyq­shylyqtarynyń negizi» taqy­rybyna arnalǵan Úkimet saǵatyna daıyndyq aıasynda uıymdastyryldy.