Kókshetaý qalasynyń prokýratýrasy Aqmola oblysynyń Polısııa departamentimen birlesip, bilim berý uıymdarynyń qyzmetin tekserdi, dep jazady Egemen.kz.
Tekserý barysynda mektepti «Alkogoldi tutynýdan týyndaǵan psıhıkalyq jáne minez-qulyq buzylystary, táýeldilik sındromy» dıagnozymen narkologııalyq dıspanserlik esepte turǵan tulǵalar kúzetkeni anyqtaldy.
Kúzetshilerdiń biliktilik talaptaryna sáıkes kelmeýimen qatar olardyń birneshe ret qyzmetin oryndaý barysynda eńbek shartynda tyıym salynǵan áreketter jasaǵany belgili boldy.
Nátıjesinde Kókshetaý qalasynyń prokýratýrasy kinálilerdi zańda belgilengen jaýapkershilikke tartyp, mektep kúzetshileri jumystan shyǵaryldy.