«Kez kelgen aýa raıynda, aıaz ben boranda, jol joq jerde jedel járdem brıgadalary tótenshe jaǵdaılarǵa qaramastan adamdardyń ómirin saqtap qalý qajet mıllıondaǵan shaqyrtýǵa qyzmet kórsetedi. Osyndaı batyrlardyń qatarynda – Hromtaý aýdanynyń jedel járdem feldsherleri Qudııarov Baýyrjan Sultanhanuly, Tileý Qaırat Berikuly, Rysbaı Saıa Ybyraıqyzy bar. Olar qar qursaýyna qaramastan júrek ustamasymen aýyratyn naýqasqa jetip, ózderiniń asyl kásibine adaldyqtary men kúsh-jigerlerin tanytty. Dárigerlerdiń aıtýynsha, sol jerde kardıogramma jasalyp, usynymdar berildi, sátin salǵanda pasıent emdeýge jatqyzýdy qajet etpedi», dep jazdy A.Álnazarova Facebook paraqshasynda.
Osy rette ol Hromtaý aýdanynyń jedel járdem brıgadasy feldsherleriniń qajyrly eńbegin erekshe ataı kele, barlyq medısına qyzmetkerlerine alǵys bildirdi.
Eske salaıyq, keshe áleýmettik jelide naýqasqa qalyń qardy keship jetken jedel járdem qyzmetkerleriniń vıdeosy taraǵan edi.