Aýa raıynyń qolaısyzdyǵyna baılanysty Abaı oblysynyń Kókpekti aýdanynda joldar jabylyp, kólik qozǵalysyna shekteý engizilgen edi. Osyǵan baılanysty 100-den astam kólik kepteliste turyp qaldy, dep habarlaıdy Egemen.kz QR Tótenshe jaǵdaılar mınıstrligine silteme jasap.
Jolda qalǵan avtokólikterdiń jalpy sany 100 jeńil, 15 júk jáne 1 avtobýs.
Qazirgi ýaqytta bul kólikter baǵanda, qardyń ótýine jáne nóldik kórinýine baılanysty qozǵalysty jalǵastyra almaı tur.
Keptelis ornyna oblystyń TJD kúshteri men quraldary jiberildi.
«О́ńir qutqarýshylary Kókpekti aýylyna 7 adamdy evakýasııalady. Medısınalyq kómekke júgingender bolǵan joq. Semeı qalasynan 25 adam men ótimdiligi joǵary tehnıkadan turatyn qosymsha kúshter men quraldar jiberildi», delingen mınıstrlik habarlamasynda.