Almaty oblysynyń Uzynaǵash aýylynda balalarǵa shabýyl jasap, soqqyǵa jyqqan kúdikti qolǵa tústi, dep jazady Egemen.kz.
«Kámeletke tolmaǵan balalarǵa shabýyl jasaǵan kúdikti qamaýǵa alyndy. Qazirgi ýaqytta ol aýdandyq polısııanyń ýaqytsha ustaý ızolıatorynda otyr, tergeý áreketteri júrgizilip jatyr. Aıta keteıik, kúdikti Almaty oblysy, Qarasaı aýdanynda ustaldy. Tergeý barysy meniń jeke baqylaýyma alyndy. О́zge aqparat Qazaqstan Respýblıkasy qylmystyq-prosessýaldyq kodeksiniń 201-babynyń erejelerine sáıkes jarııa etýge jatpaıdy», dedi oblystyq Polısııa departamentiniń bastyǵy Baýyrjan Álenov.
Buǵan deıin áleýmettik jelide Almaty oblysynda belgisiz er adam tórt balany uryp-soǵyp, azaptap jatqany týraly aqparat taraǵan edi. Telegram-daǵy arnalardyń birinde bul oqıǵa Almaty oblysynyń Jambyl aýdanynda bolǵany jazylǵan.
«Belgisiz er adam tórt kishkentaı balany baılap, uryp-soǵyp, azaptap, pyshaqtaǵan. Polıseıler kúdiktini anyqtap, ony ustaý sharalaryn júrgizip jatyr», delingen jazbada.