8 naýryz - Halyqaralyq áıelder merekesi qarsańynda quqyqtyq tártip áskerleri arasynda «Ulttyq ulan arýy-2024» konkýrsy ótedi, dep jazady Egemen.kz Ulttyq ulannyń baspasóz qyzmetine silteme jasap.
Fotokonkýrs áıelderdiń tabıǵı sulýlyǵyn, zııatkerlik jáne shyǵarmashylyq damýyn, qoǵamdyq qyzmetke belsendi aralasýyn baıqatý jáne quqyqtyq tártip áskerleri áıelderiniń ımıdjin qalyptastyrý maqsatynda uıymdastyryldy.
Konkýrsqa Ulttyq ulanda qyzmet etetin 18 jastan 40 jasqa deıingi áıel áskerı qyzmetshiler qatysady. Baıqaýǵa qatysýshylar 3 fotosýret usyna alady:
- ulttyq ulannyń nysandy kıim-kesheginde;
- ulttyq kıimde;
- súıikti isimen (hobbıimen) aınalysý sátindegi fotosýret.
Daýys berý Ulttyq ulannyń Instagram national_guard_kaz resmı paraqshasynda ótedi.
Jeńimpazdar unatý belgisiniń sany boıynsha anyqtalady. Sonymen qatar QR Ishki ister mınıstriniń orynbasary – Ulttyq ulan Bas qolbasshysynyń dıplomdarymen jáne syılyqtarymen marapattalady.