Bala quqyqtary jónindegi ýákil Dınara Zákıeva Ulytaýda 5 jyl boıy 3 balany quldyqta ustaǵan áıel qamaýǵa alynǵanyn habarlady, dep jazady Egemen.kz.
18 aqpan kúni Dınara Zákıeva Ulytaý oblysynda quldyqta bolǵan 3 balanyń jaıyn aıtyp jazba jarııalap edi. Onda asyrap alǵan balalaryna fermada májbúrli túrde mal baqtyrǵany aıtylǵan.
Búgin ol balalardy quldyqta ustaǵan áıeldiń ustalǵanyn áleýmettik jelidegi paraqshasynda jarııalady.
«Ulytaýda balalardy quldyqqa alǵan áıel keshe júrgizilgen jumystyń nátıjesi boıynsha ustalyp, ýaqytsha ustaý ızolıatoryna qamaldy», dep jazdy Dınara Zákıeva.