Irannyń bas qalasy Tegeranda jeńil atletıkadan jabyq keshendegi XI Azııa chempıonaty máresine jetti. Qazaqstan sportshylary 4 altyn, 2 kúmis, 6 qola, barlyǵy 12 medal enshiledi, dep habarlaıdy Egemen.kz.
Týrızm jáne sport mınıstrligi baspasóz qyzmetiniń málim etýinshe sheshýshi jarys kúni estafetada (4*400 m) elimizdiń erler (Andreı Sokolov, Elnor Mýhıtdınov, Efım Tarasov, Vıacheslav Zems) jáne áıelder quramasy (Adelına Zems, Anna Shýmılo, Marııa Shývalova, Krıstına Kondrashova) top jardy. Onyń aldynda Elızaveta Matveeva (bıiktikke sekirý) men Davıd Efremov (60 m kedergiler arqyly júgirý) chempıon atanǵan bolatyn.
Kúmis júldege qol jetkizgender: Ivan Ivanov (ıadro laqtyrý), Olga Safronova (60 m júgirý);
Qola júldegerler: Aıana Bolatbekqyzy (1500 m júgirý), Marııa Efremova (3 qarǵyp sekirý), Aqbaıan Murmámet (800 m júgirý), Alına Chıstıakova (kópsaıys) Efım Tarasov (400 metr júgirý), Maksım Frolovskıı (3000 metrge júgirý);
Barlyǵy 29 atlet el namysyn qorǵady.
Byltyr jabyq keshendegi Azııa chempıonaty Astana qalasyndaǵy Qazaqstan jeńil atletıka kesheninde ótken. Ol kezde Ulttyq qurama 6 altyn, 3 kúmis, 3 qola medalmen jalpy esepte 2-oryn alǵan edi.