Astana polıseıleri qaladaǵy dámhanalardyń birinde kelýshilerge esirtki satqan kúdiktini anyqtady. Bul týraly Egemen.kz Polisia.kz-ke silteme jasap habarlaıdy.
Jedel-izdestirý is-sharalary barysynda Astana qalasy polısııa departamentiniń ekstremızmge qarsy is-qımyl basqarmasynyń qyzmetkerleri qala aýmaǵynda ornalasqan kafelerdiń birinde 49 jastaǵy er adamdy anyqtap, ustady.
Ol laǵman satý syltaýymen óz mekemesinde esirtki satqan.
- «Tosqaýyl» JPISh aıasynda tintý kezinde kafeden gashısh salynǵan paket tabyldy. Sur-jasyl tústi erekshe ıisi bar 2 polıetılen oramy tárkilendi. Sot-medısınalyq saraptamaǵa sáıkes alynǵan zat salmaǵy 10,15 gramm gashısh bolyp shyqty. Osy fakti boıynsha qylmystyq is qozǵaldy. Er adam ýaqytsha ustaý ızolıatoryna qamaldy, - delingen aqparatta.