Ál-Farabı atyndaǵy Qazaq ulttyq ýnıversıtetiniń 1-kýrs stýdenti Erzat Myrzahan qarttarǵa arnalǵan aqyldy jáne kópfýnksıonaldy baldaq qurastyrdy, dep habarlaıdy Egemen.kz.
Jas ǵalym oılap tapqan qural egde jastaǵy adamdardyń baspaldaqpen kóterilýin jeńildetedi. Eki buranda arqyly baldaqtyń tutqasyn qysyp ustaǵan kezde joǵary qabatqa jeńil kóterilýge bolady.
«Zamanaýı baldaq GPS fýnksııasymen erekshelenedi. Otbasy músheleri qart adamnyń naqty mekenjaıyn, serýendep júrgen aýmaǵyn baqylaı alady. Qulap qalǵan jaǵdaıda jaqyndarynyń uıaly telefonyna habarlama keledi. Al baldaqqa ornatylǵan arnaıy lazerlik sham bógetterdi, kedergilerdi anyqtap, qart adamǵa dybystyq belgi berip otyrady», deıdi joba jetekshisi Erzat Myrzahan.
Baldaq qozǵalysty jeńildetip qana qoımaıdy, kóńil kúıdi de kóteredi. О́ıtkeni onda radıo qurylǵysy jumys isteıdi. Salmaǵy – 300-400 gramm, uzyndyǵy 1 metrge deıin sozylatyn baldaqtyń naryqtaǵy baǵasy kópshilikke qoljetimdi.