IIM transulttyq uıymdasqan qylmystyq toptyń sıntetıkalyq esirtki óndirý jáne taratý arnasyn anyqtap, jumysyna tosqaýyl qoıdy, dep jazady Egemen.kz Polisia.kz-ke silteme jasap.
«Sheteldik úsh azamatqa qatysty transulttyq uıymdasqan top qurǵany, oǵan basshylyq jasaǵany jáne qatysqany úshin qylmystyq is qozǵaldy. Qylmystyq toptyń músheleri Aqmola oblysy Ereımentaý qalasynyń shetinde ornalasqan, uıymdastyrýshy satyp alǵan jeke úıde ustaldy. Onda kúdiktiler psıhotroptyq zattardy daıyndap, saqtaǵany» anyqtaldy.
«Top músheleriniń arasynda rólder men mindetter naqty ózara aıqyndalǵan. Esirtki zerthanasynda salqyndatý, jeldetý júıeleri, sondaı-aq sıntetıka óndirý úshin arnaıy jabdyqtar bolǵan. Esirtki jasyryn túrde, qatań qupııalyqty saqtaýmen daıyndalǵan. Kúdiktiler kórshilerde kúdik týdyrmas úshin úıden tek qajet bolǵanda ǵana shyǵyp, úıdiń perımetri boıynsha uıymdastyrýshynyń Wi-Fi jelisine shyǵatyn beınebaqylaý kameralaryn ornatqan. Sonymen qatar esirtki ázirleýge arnalǵan shıkizattar men daıyn ónimdi saqtaıtyn garaj jáne avtokólik satyp alynǵan. Bul múlikterdiń barlyǵy kóleńkeli shemamen tólenip, sheteldik satyp alýshynyń atyna tirkelmegen», dedi IIM ımıdjdik jumys jáne ishki kommýnıkasııalar departamentiniń bastyǵy Shyńǵys Alekeshev.
Kúdiktilerdiń meken etken úıin tintý kezinde 12 kılodan astam mefedron jáne 17 kılodan asa prekýrsor tárkilendi.