Qaraǵandy oblysynda birden tórt eldi meken karantınge jabyldy, dep habarlaıdy Egemen.kz Almaty.tv saıtyna silteme jasap.
Jylqylar arasynda epızootııalyq lımfangıt taraǵany belgili boldy. Úmitker aýylynyń turǵyndary máseleni byltyr kóktemde aıtqan bolatyn. Keıinnen indet Ulǵa, Tórtkól, Yntaly aýyldaryndaǵy maldan anyqtaldy. Ol kezde 180-nen astam mal ólgen.
«Zerthanalyq qorytyndy boıynsha, bul epızootııalyq lımfangıt ekeni dáleldendi. Bul aýrýǵa qarsy vaksına bıologııalyq qaýipsizdik problemalary ǵylymı-zertteý ınstıtýtynda jasalǵan. Preparat zerthanalyq tekserýden ótken. Bul vaksınamen saý maldy egetin bolamyz», deıdi veterınarııalyq baqylaý jáne qadaǵalaý komıtetiniń oblystyq ınspeksııasynyń basshysy Erjan Beketbaev.