Soltústik Qazaqstan oblysynyń prokýrorlary Petropavldaǵy 9 orta mektepte oqýshylar tyıym salynǵan saıttarǵa kirgenin anyqtady, dep jazady Egemen.kz.
Quzyrly organ mektepterdegi qaýipsizdikti qamtamasyz etý boıynsha júrgizgen tekserý aıasynda oqýshylardyń quqyqtary óreskel buzylǵany belgili boldy.
Balalar ınformatıka kabınetinde ómiri men densaýlyǵyna qaýip tóndirýge ıtermeleıtin kontenti bar, sonyń ishinde, sýısıd jáne zorlyq-zombylyqqa úndeıtin árekettegi materıaldarǵa erkin qol jetkizgen.
Belgili bolǵan derek boıynsha mektep dırektorlary jaýapqa tartylyp, aıyppul arqalady.
Osydan keıin prokýrorlar qala mektepterindegi ınternet kózderinen qaýipti saıttarǵa kirý múmkindigin shektedi.