Advokat Nazken Qusaıynova Qýandyq Bıshimbaev kisi óltirý qylmysyn moıyndamaı otyrǵanyn málimdegen edi. Osy oraıda Saltanat Núkenovanyń týǵan aǵasy Aıtbek Amangeldi «Baý» restoranynda bolǵan oqıǵanyń mán-jaıyn eske alyp, beınebaqylaý kameralary túsirgen kadrlardy jarııalady, dep habarlaıdy Egemen.kz.
Aıtbek Amangeldiniń jazýynsha, onyń mundaı qadamǵa barýyna basty kúdiktiniń advokattary jasaǵan málimdemesi sebep bolǵan. Ol Bıshimbaevtyń qorǵaýshylary «Baý» restoranynda bolǵan oqıǵany basqasha jetkizip, jalǵan aqparat usynǵanyna narazylyq bildirip otyr.
«Advokattar Bıshimbaev Saltanatty urmady dep otyr. Alaıda, beınebaqylaý kameralaryna túsken sátter bul málimdeme shyndyqqa janaspaıtynyn aıǵaqtaıdy. Medısınalyq saraptama qorytyndysy da bar, sarapshylardyń aıtýynsha, Saltanattyń basyna kem degende 13 soqqy jasalǵan», dep jazdy Aıtbek Amangeldi Instagram paraqshasynda.