Jetisýdyń kitap kerýeni

Igilikti is-sharada 2006 jyldan bastap Almaty oblysy ákiminiń qoldaýymen shyq­qan, keıingi jyldary Je­tisý oblysynyń ákiminiń bas­tamasymen jaryq kórgen qa­lam­gerler men sazger, sý­ret­shilerdiń 300 dana kitaby Ult­tyq kitaphanaǵa syıǵa tartý rásimi atqaryldy. Ha­lyqaralyq kitap syılaý kúni aıasynda ótken mańyzdy is-shara jerles aqyn-jazýshylarymyzdyń shyǵarmalaryn ádebı ómiri qaınap jatqan Almaty qala­synyń oqyrmandaryna tanys­tyrýdy, nasıhattaýdy maqsat etti. Oqyrman qyzyǵýshylyǵyn oıatqan bul basqosýǵa oblystyq mádenıet, arhıvter jáne qu­jattama basqarmasy men atal­ǵan basqarmaǵa qarasty S.Seı­fýl­lın atyndaǵy oblys­tyq ki­taphana ujymy uıytqy boldy.

Jınalǵandar jetisýlyq aqyn-jazýshylardyń kitaptary qoıylǵan kórmemen tanys­qan­nan keıin, basqarma basshysy Qýanysh Súleımenov sóz aldy.

«Taralymy 500 dana, eń kóp bolǵanda 1000 danadan aspaıtyn bul kitaptar negizinen oblys aýmaǵymen ǵana shektelip, aýdan-aýyldarǵa ǵana taratylatyn. Iаkı shyǵarmashylyqtary birtindep sharyqtap kele jat­qan aqyn-jazýshylar ózge óńirlerge tanylmaı kóp rette óz qazandarynda ózderi qaı­nap jatatyn. Áýeli Astana qalasyna jol bas­tap, artynan Almatyǵa at basyn tiregen «Jetisý: kitap kerýeni» joba­synyń maqsaty da osyndaı olqylyqtyń ornyn toltyrý. Sondaı-aq jetisýlyq talanttardy basqa óńirlerdiń oqyrmandaryna tanystyrý. Bul maqsat belgili bir mólsherde oryndaldy dep aıtýǵa bolady. Soǵan oraı osy baǵyttaǵy is-sharalar aldaǵy ýaqytta da júıeli túrde jalǵasady», degen Q.Súleımenov kór­kem ádebıet jáne óner salasy boıyn­sha jaryq kórgen kitaptardy Ult­tyq kitaphana qoryna syıǵa tartty.

Shynynda óńirde aqyn-jazý­shylar men basqa da óner adamdarynyń shyǵarmashy­lyǵyna qoldaý kórsetý baǵy­tynda júzege asyp jatqan nátıjeli jumystar jeterlik. Jetisýda oblys ákiminiń qol­daýymen júzdegen kitap ja­ryqqa shyǵyp, báriniń tusaý­keser rásimderi ótkizildi. Aqyn-jazýshylardyń, ánshi-saz­gerlerdiń uıymdasqan shy­ǵar­mashylyq keshteri qanshama!?

Almaty qalasyna kitap ke­rýenimen birge taldy­­qor­ǵan­dyq aqyn-jazýshy­lary men óner adam­darynyń bir shoǵyry kelgen edi. Olardy almatylyq qalamdastary qarsy alyp, basqosý barysynda kitap jaıly óreli áńgime órbitti.

Jınalǵandar aldynda aqyn, halyqaralyq «Alash» ádebı syı­lyǵynyń laýreaty Ámire Árin men Halyqaralyq Túrksoı Jazýshylar odaǵy­nyń tóraǵasy, Mem­lekettik syılyqtyń laýrea­ty, aqyn Ulyqbek Esdáýlet, jazýshy, Qazaqstannyń eń­bek sińirgen qaıratkeri Álı Ys­qabaı, Qazaqstannyń eń­bek sińirgen qaıratkeri, má­denıet salasynyń ar­dageri Eleýsiz Janpeıisuly, aqyn, halyqaralyq «Alash» ádebı syı­lyǵynyń laýreaty Baqyt Bedelhan, aqyn Núsipbaı Ábdirahym sóz alyp, jınalǵan oqyrmanǵa izgi tilekterin ar­nady. Sóz oraıy kelgende aqyn Qýat Qaıranbaev jerlesterimen jolyǵysý qýanyshyna oraılastyryp «Taldyqorǵandy ańsaý» degen óleńin oqyp berdi.

Kitap merekesinde jeti­sýlyq jazýshy, Qazaqstan Jazýshylar odaǵynyń múshesi Baqyt Merekenovanyń «Al­tyn besik», kórnekti sazger Álı Al­pysbaıdyń «Sa­ǵym», aqyn Jangeldi Nemere­baı­dyń «Arman aıaldamasy» ki­taptarynyń tusaýy kesildi. Odan keıin Ulttyq kitaphana dırektory Baqytjamal Ospanova ózderiniń aıyrbas-rezervtik qorynan 2000 dana kitapty Jetisý kitaphanalaryna syıǵa tartty. Qomaqty syılyqty oblystyq kitaphana dırektory Samal Shaıahmetova qabyldap aldy.

Áserli basqosýda Qazaq­stannyń halyq ártisi Ramazan Stamǵazıev pen belgili dástúrli ánshi Nurjan Janpeıisov ánnen shashý shashsa, D.Raqyshev atyn­daǵy Jetisý oblystyq fı­lar­monııasynyń «Kúreńbel» trıosy ónerimen tánti etti.

Jetisý oblysy